Ghar kab aa-o-gey

by **Radha** » Sun Jul 07, 2002 11:04 pm

Here on the board i see most of them are outside India, in Gulf, America and Europe. Here there is a message for all of you from INDIA. Baccho ghar kab aaogey? Suni bagiya kab mahekaogey? Angan ki raonaq kab lovtaogey? Kaanoan mein abhi ghoongthi hai Woh khilkariyan tumhari. Woh meethi batein woh hansi pyari Who tasveerein tumhari, karjaati taza yadein purani. Aisa lagta hai abhi kal ki baat ho Jab tumne apna pehla shabd pukaara tha, Pahli muskaan bhikrai, pahla khadam dala tha, Phir toh gaisey tum ruke hi nahi…….. Belagaam bas badte chale gaye…… Safaltaoan ki seedhi chadte chale gaye. Ab yeg haal hai tum itne vyast(busy) ho, Samay aage doudh raha hai, Aur tum uske peeche bhag rahe ho, Yadi ho sake toh bas itna kehdo, Bacchao ghar kab aaogey, Suni bagiya kab mehkaogey Aangan ki roanaq kab laotaogey???????

by **khajabi** » Mon Jul 08, 2002 5:44 am

lamhoun ki zindagi ka safar youn guzar kaya, saye main jaise koi musafir tahar gaya... makhmour tha nashe main gham-e-rouzgaar ke, hoosh a\'gaya to umar ka paimana bhar gaya... daulat bhi is ke haath na a\'yi tamaam umar, kuch naam hi na apna zamane main kar gaya... sub is ke khair-khaw bulandi pe reh gaye, shohrat ki seedhiyoun se woh neeche o\'tar gaya... maukha parast a\'ab-o-hawa main na ji saka, apni a\'na ki khaid main jaan se guzar gaya... mout is ki saari mushkilain a\'saan kar gayi, ek boojh zindagi ka tha sar se utar gaya... af\'soos kam hoa magar hairat bahoot howi, jab khaw-ma-khaw ain jawani main mar gaya\"

by **Maverick** » Mon Jul 08, 2002 10:07 am

hye Khajabi u really got a good taste of urdu shairee, that a perfect answer, would u email me few ashaar plz, email id is maverick_au@email.com

Thx

by **Kulcha Hyderabadi** » Mon Jul 08, 2002 11:21 am

Bahut Khoob - Jeetey raho Khajabi...just wonderful....Yehi ha un hazaaron balkey laakhon expatriates ki dastaan.....\"Uff yeh talash-e-husn-o-haqeeqat, kis ja pahunche jaien kahan - Sahan-e-chaman mein phool khiley hain, sahra mein deewane hain\"..

by **Kulcha Hyderabadi** » Mon Jul 08, 2002 12:48 pm

*Kis ja tahre, Jaye kahan*

by **Bhaimiya** » Mon Jul 08, 2002 1:39 pm

Mat pucho kya meela hamey zar ki talaash mein, Ghar chodkar bhadaktey hein ghar ki talaash mein, Heyraan hey sab zameen key dafeeney key hum ko hey, Dhun aasman ki lal wa ghoher ki talaash mein, Kuch log woh key jin key lahu mein hey khud hunar, Kuch log mar mitey jo hunar ki talaash mein, Hey sir basir fareeb musasil yeh justaju, Jugnu pakad raha hoon saher ki talaash mein, Akbar hamarey zahen mein bhi khawab tha koyee, Hum bhi kabhi chaley they saher ki talaash mein.

by **Shahed** » Mon Jul 08, 2002 1:58 pm

Maa mai waapas jald laut aaonnnga, Tere soone aagan ku phir se sajaooonga.
Jo sapna mil ke dekha tha hamne, usey mai jald poora kar dikhaaoonga!!
Aksar tanhaai mein teri yaad bahoot aati hai , Bin siski bin aansoo, hamko bahoot rulaati hai.
Bachpan ki woh baatein reh reh ke Sataati hai, Ab tere haat ki roti hemein ji bhar ke tarsaati hai!!
Pardes mein ab kuch bhi nahi bhaata , Machalte dil ko ab sambhaala nahin jaata.
Tere aanchal ki thandi chaanw de de mujhe , Apne rab se yahi mai Ab duwaein karta!!
Teri sooni aankhon mein phir se chamak aa jaayegi, Roothi thee barson jo muskaan woh phir laut aayegi,
Ek Duje ko dekhne jo aankhein tarasti thee, woh aakhein maare khushee ke chalak jayegi!!
Sapnon ki iss nagri ko ab mai chor aaoonga , teri Aah pe ab main waapas daud aaoonga.
Tu mere liye wohi Roti aur Daal bana rakhna, Barson se bhooka hoon tere haat se wohi khaaonga!!
Mujhko tu apne gale lagaa lena , Mujhe apne aanchal ke saaye mein chupa lena
Apne pairon mein thodi se jagah de ke mujhe , Mujhe jannat ka deedaar kara dena!!
Maa mai waapas jald laut aaonnnga, Tere soone aagan ku phir se sajaooonga.
Jo sapna mil ke dekha tha hamne, usey mai jald poora kar dikhaaoonga!!

by **Ucchu Mian** » Mon Jul 08, 2002 2:10 pm

Shahed - a million times WAH WAH for these lines which truly represents the sound and cry that emanates from every heart that is living abroad.

Hilaa diye Ustaad !!!!!

by **Bhaimiya** » Mon Jul 08, 2002 2:26 pm

Shahed merey lal jiyo, kya baat kahee hey tumney, yaar dil ko hila key rak diya (jinki maaien guzar gayee hein is duniya sey unkee yaad dila kar tadpa diya tumney). Haan Shahed ab bolo yeh shayeri ka shouk bhi kya shouk hey. Once again weldone mere bhai.

by **Kulcha Hyderabadi** » Mon Jul 08, 2002 2:27 pm

Maan gaye kalakaar.....yani apney Shahed miyan \"SERIOUS\" bhi hain! bahut khoob....Shahed ki is dil ko choolene wali posting, jo unki zaheri fitrat se kuch juda hai, padh kar ek shayr yaad agaya...agar ijazat ho to \"Meri rooh ki haqeeqat, mere aansu\'on se poocho, Mera majlisee tabassum mera tarjumaan nahin hai.\"---...Really good one Shahed.

by **Shahed** » Mon Jul 08, 2002 2:49 pm

Sab aap bhai logon ki meharbaani hai warna mai tou kuch bhi nahin. Shukriya......Arey mere bhaiyon itta bhi serious mat lo yaaro pehle yaan ki zindagi nidhaal hai, ooper se ye baatan karke aur bhi thoossss ho jayeingi..Shaadi shuda log apna sar kisi ke kaandhe pe rakh ke apna dukhda ro leinge ,,, apne paas tou kaandha bhi nai hai yaaro.. Tapic change kar deinge apan chalo cir cet khelienge.. Ek aur raaz ki baat bolroun .. woh jo Seema ke naam se board daale they \'Which comes first day or night and Intro of Seema\'... Woh seema maich tha.. Bhaimia Samajhe Aap !! Ha Ha Ha Ha Ha..

by **Bhaimiya** » Mon Jul 08, 2002 3:12 pm

Yeh lo karlo baat \"serious toh aap ho rahien hein Shahed khandey ki talash mein\"!lol (chalo aur kholo raaz ki battan kitney board banaye they dusron key naam sey).

by **Kulcha Hyderabadi** » Mon Jul 08, 2002 3:32 pm

Shahed, bahut shareer hai baba tum! kisee ke jazbaat se is tarah nahin khelte pasha.....chalo, stumps lagao aur guard leo, main bowling shuroo kartaoon.

by **Bhaimiya** » Mon Jul 08, 2002 3:45 pm

Mein umpire hoon - chalo shuroo karo bowling Kulcha pheley ball hee pay aap appeal karna aur mein unglee utha deton aur yeh dekho Shahed miya out zero per. Agar Shahed miya merey faisaley ko challenge karey toh phir ek match key wastey unko ban kardeengey. Agar aur gadbad karey toh match fixing case unkey upper - kya kheeyal hey aapka.

by **Shahed** » Mon Jul 08, 2002 4:03 pm

Aaeeeelllay kya baat hai bhaimia, kulche bhai .. aasich team baant te.. Umpaar haur baalar dono ekich team ke..Haulfit samjhe kya mere ku..Chalo team aapki choice ki .. Rulaan mere hisaab ke....Mai jab byaating karoon tou mere picche wikitaan nai hona, mera k-yaatch pakde tou mereku 2 run xtra .. Haur Umpaar tou honaaich nai..Taas bi nai kare baaling shuru kar diye..Arey kya tou bi hai !! cir kit khel re ya Apdi ki tupdi khelrain ...Arey unko dekho baalar ku... baaling karo bolto tiractor pe baith ke chale jaare .. O kulche mia zara thairo yaaro, myaatch yaainch khelna hai..

by **Radha** » Mon Jul 08, 2002 5:12 pm

CRICKET KE UPAR EK CHEEZ YAAD AAYI, AAP SHAHED BHAIMIYA AND Kulcha Hyderabadi KE NAAM.
bezaar hogaye the jo shayar hayaath se,
khel liya cricket ka match shayeraat se,
waqif na the jo dosto aurat ki zaat se,
chouke laga rahe the khayaloun me raat ke,
aayi jo subho to raat ke naqshe bigad gaye,
are surroun se hum gariboun ke naqshe bigad gaye,

naaz o adaa o husn ne jaadu jaga diye,
pehle to opener ki hi chakke chuRha diye,
onedown par jo aaye to stump uda diye,
raah e faraar ke to raste mitaa diye,
wo catch very low tha magar bedhadak liya,
eik mohtaram ko eik ne gully my lapak liya,

parioun ke jis tarah se pare koh e qaaf par,
eik long on par thi to eik long off par,
eik thi cover me to eik hasinaa midoff par,
jo short pitch thi gaind to aati thi naaf par,
tehre na crease par jo thay bade bade,
mujh jaise teem taam to wicktoun par gir pade,

wo laal gaind phool ho jaise gulaab ka,
dast e naaz me ho jaise saghar sharaab ka,
sayaa hawa me naachtaa tha aftaab ka,
bouncer me saara zoar tha husn o shabaab ka,
aise bhi apne ishq me maidaan banate the,
umpire har appeal pe ungli uthate the,

jab baal phenkti thi wo gesu sanwaar ke,
nazdeek aur aate the halaat haar ke,
kehte the match dekhne waale pukaar ke,
ustaad jaa rahe hain shab e ghum guzaar ke,
ustaad keh rahe thay ke phitkaar match par,
do do jhapat rahi hain sharifoun ki catch par,

by **Radha** » Mon Jul 08, 2002 10:40 pm

Shahed, Bahut khub, kya kehne. Keep it up.

by **hiNa** » Tue Jul 09, 2002 9:29 am

Shahed Bhai, bhoth acchi nazm likhay magar saath mein yeh naye-naye raaz kay baataan bhi khul ko saamnay aarain, Bhaimiya bolay waisa aur kon-kon say namon say likhay bolo jaldi....lol

by **Kulcha Hyderabadi** » Tue Jul 09, 2002 11:29 am

Javed Akhtar”s “Sandese aatey hain, hamey tadpatey hain” for film “Border” is a masterpiece on this subject. Wonderful, wonderful lyrics. The whole song is marvellous and the refrain just incredible “Main waapas aaonga, phir apne gaaon mein, usee ki chaaon mein, ke maa ke anchal sey, kisi ke kaajal sey, gaon ke peepal sey, kiya jo waada tha woh nibhaoonga, main waapas aaonga”..Jiyo Javed Saheb….Kulche ke bhi ankhon mein aansoo aagaye. Kyoon nahin “Insaan hoon pyala–o-saagar nahin hun main”

by **Saira** » Wed Jul 10, 2002 1:00 pm

Hamare bas main agar apne faisle hote..tu hum bhi kabhi ke gharon ko palat gaye hote / hum apna koi alag rasta bana lete..hamare dil ne agar hosle kiye hote

by **Radha** » Wed Jul 10, 2002 2:46 pm

Saira, Bahut khub. Udhas kyon hai bande, yeh din bhi kat jayenge,
patjhadh ke baad naye gul bhi khil jayenge,
yeh andehron ke badal do pal main chhat jayenge,
phir hokar madmast woh sawan ke din ayenge.
jo chodh gaye rah main, woh loate kar na ayenge,
kadam to badha kafle khudh-ba-khudh ban jayenge. –
na aazma ke in johte logon ko, aur kuch nahi ek dard dekar jayenge.
woh jo banke baiteh hain khuda buthqaane main, haq ki ek yalgaar se sare mitti main mil jayenge.

by **Bhaimiya** » Wed Jul 10, 2002 4:22 pm

Bahut khoob Saira and Radha.

by **Kulcha Hyderabadi** » Wed Jul 10, 2002 4:51 pm

Wah Radha Ji wah.. kamaal ki lines hain.. bahut khoob.... Yani, \"Mere Saaqi ko nazrein uthane to do, jintney khalee hain sab jaam bhar jayenge.\"

by **Bhaimiya** » Wed Jul 10, 2002 5:09 pm

Mausam ne banaya hai nigaahon ko sharaabi, Jis phool ko dekhun wahi paimana hua hai

by **Shahed** » Wed Jul 10, 2002 5:15 pm

Badia !! mujhe apne chor ke sabhee ke ash-haar bahoot badiya lag rahe hai , \'Mere Saqi ko nazrein utaane do, jitne khaali jaam hai sab bhar jaayeinge .. Na mumkin se lagte they jo Khaab .. Woh sab.. Ab Haqeeqat mein badal jaayeinge......... Kulcha bhai \'Gustaaqi Maaf\' !! apka setting karke daal diya waise kafee mutasir huva hoon aapke is sher se.

Who is online