Shaeri-2

[\"BM\"]

Shukriya Kulcha bhai. Yahan icons nahi hey werna doh-chaar farshi salaam zaroor kerta. LOL!

[shaikh]

Kaysee haseen aaj baharon ki raat hai
<br>
Ek chand aasmaan pe hai ek mere saath hai
<br>
<br>
\'Aasamaan\' ka zara mushkil hora bhai
<br>
Filmi gaanayich yaad aarain

[Kulcha Hyderabadi]

Hao Shaikh Bhai - Aasmaan zara mushkil se hi milra apney ku bhi. Akhir BM ka selection hai, koyee mamooli baat nahin hai bhai. Chalo ek aur yaad agaya. Apney Iqbal bhai ka...
<br>
<br>
Baatil se darney waly ai aasmaan nahin hain hum
<br>
Sau baar kar chukaa hai tu imtehaan hamara

[Humdam]

Assalaamu alaykum dosto. Aasmaan se mere paas do ashaar hain jo main ne likhe hain. Shayad pasan aayenge.
<br>
<br>
Har waqt aasmaan pe udne ki na soonch
<br>
Ahle zameen ko ye tarz zeba nahi deta
<br>
<br>
Zindagi sab ke liye imtihaan hi hai
<br>
Hamdam tu gar inkaar kare shobha nahi deta

[Humdam]

Aadaab dosto! Is hafte BM se lafz liya gaya tha. Agle hafte lafz \"KULCHA BHAI\" se liya jaayega aapki sab ki kya rai hai? Iska taqarrur aur amal kal se, yane Sunday se, hoga.

[Kulcha Hyderabadi]

Shukriya Hamdam bhai. Shadiyon ka season hai aur bitter half (haan, bitter not better) apney maaikey gayee huvee hain. Ek do din to bada accha laga, khoob awara gardi rahi, yaar doston ke saath gulcharrey udatey rahey, lekin ab, ghar kaatney ko doudta hai. To phir ho jaye kuch \'FIRAAQ\' per. Kya khayal hai sab ka?

[Kulcha Hyderabadi]

Is shahr-e-be chiraagh mein jayegi tu kahaan
<br>
Aa ai shab-e-Firaaq, tujhe ghar hi le chalein!

[shaikh]

Mr. Kulcha,
<br>
<br>
I think bhabi doesn\'t go through these sites. Anyway, I have a sher which doesn\'t have the word \'firaaq\' but it speaks about the same feeling.
<br>
<br>
Tamaam umr ki awargi pe bhhari hai
<br>
Wo ek shab jo teri yaad may guzari hai

[Kulcha Hyderabadi]

Bhai Shaikh, pitwaogey kya ab hamey is umr mein? Dictator hai bhai, dictator!
<br>
<br>
Ek aur \"firaaq\" par... Apney Mirza Nousha ka likha huva hai
<br>
<br>
Daag-e-firaaq suhbat-e-shab ki jali huvee
<br>
Ek shama rah gayee hai so wo bhi khamosh hai
<br>
<br>
Zulmat kadey mein mere shab-e-gham ka josh hai!!!

[shaikh]

Ek aur lijiye...
<br>
Aa gaya gar vasl ki shab bhi kahin zikre-firaaq
<br>
Vo teraa ro ro ke mujhako bhi rulaanaa yaad hai
<br>
Ustaad Gulam Ali ki chaalu ghazal say.

[Humdam]

\"Aziz Hamid & Daya shanker\"
<br>
<br>
Firaaq se bhi gaye ham visaal se bhi gaye
<br>
Subuk huye hain to aish-e-malaal se bhi gaye
<br>
Charaag-e-bazm abhi jaan-e-anjuman na bujhaa
<br>
Ke ye bujhaa to tere khad-o-Khaal se bhi gaye
<br>
<br>
Firaaq-e-deeda hoonmain vasl-e-yaar baaqi hai
<br>
Khizaanraseeda chaman ki bahaar baaqi hai
<br>
Butounke qahar se ham ko maqaam-e-yaas naheen
<br>
Umeed-e-rahmat-e-parvar-digaar baaqi hai

[shaikh]

Attn: BM, Kulchi, Radhaji!
<br>
<br>
Aap log kiss firaaq may ho?

[\"BM\"]

Mein wohi hoon tishna bawafa mera aaj bhi wohi mudah
<br>
Na firaaq dey mujhey mustakil na mujhey hamesha wisal dey

[Kulcha Hyderabadi]

Wo firaaq wo visaal kahan
<br>
Wo shab-o-roz o mahtaab kahan
<br>
Fikr e duniya mein sar khapata hoon
<br>
Main kahan aur yeh wabal kahan
<br>
<br>
Bahi Shaikh, mera firaaq
<br>
<br>
Thee wo ek shaqs ke tasavvar se
<br>
Ab wo raanaiyeh khayal kahan

[Tappebaz]

Sab logon ko mere Salam Alayum,
<br>
<br>
Bohat din ke baad main is site par tashrif laya hoon. Actually, main vacation gaya tha Hyderabad 3 saal baad. Yaqeen nahi aata itni jaldi duniya badal rahi hai. Khair yeh sab baad main. Ab main sari topics par at least 1 sher bolonga. Sorry for the delay but they are for the same topics as above.
<br>
<br>
Patthar par:
<br>
Hum na hote to gazal koun kehta
<br>
Aap ke chehre ko kamal koun kehta
<br>
Yehi to karishma hai mohabbat ka
<br>
Warna patthar ko tajmahal koun kehta!!!
<br>
<br>
Aasmaan par:
<br>
Aasmaan kali kali gatha de gaya
<br>
Aap aaye mousam maza de gaya
<br>
Khuda tujh jaisa dost sabhi ko de
<br>
Tune maar kar zindagi ka maza de gaya
<br>
Aasmaan kali kali gatha de gaya
<br>
Aap aaye mousam maza de gaya!!!
<br>
<br>
Abhi to belated hai. Is liye sirf ek hi likh raha hoon. Mouka mile to phir kabhi.

[Tappebaz]

Ab jo topic chal rahi hai us ke liye.
<br>
<br>
Guzre hai zindagi main kuch aise mukham se
<br>
Ke nafrat se hogayi hai mohabbat ke naam se
<br>
Tamana mit gayi phir bhi tumhare dum se mohabbat hai,
<br>
Mubarak ho tumhe khushiyaan, hume ghum se mohabbat hai!

[Radha]

Sab logoan ko mera adaab. Kuch dino se board par hazir na ho saki jis key liye maafi chahati hun. Firaq per sher hazir hai.
<br>
<br>
Yeh shab-e-firaq yeh bebasi,hain qadam qadam pe udasiyaan
<br>
Mera saath koii na de saka, meri hasratein hain dhuwaan dhuwaan
<br>
<br>
Terey firaq key lamhey shumar kartey huye
<br>
Bikhar gaye hain tera intizar kartey huye

[Kulcha Hyderabadi]

Shab-e-firaaq mein na pooch kaise sahar huvee
<br>
Ek chiraag jala diya, ek chiraag bujha diya

[Radha]

Kulcha Bhai ka sher pad kar ek sher yaad aaya hai.
<br>
<br>
Shaam-e-firaaq ab na pooch aayi aur aa ke tal gayi
<br>
Dil tha ke phir bahal gaya, jaan thi ke phir sambhal gayi

[Humdam]

Shaam-e-firaaq ab na pooch aai aur aake tal gaee
<br>
Dil tha ke phir bahel gaya jaan thi ke phir sambhal gaee

[completly floored]

I don\'t have words to express what I feel! Nobody can capsulate the Hyderabadi spirit better than this. This is the best I\'ve heard in a long long long time...
<br>
<br>
I suddenly feel 100 times more proud to be a Hyderabadi... I will never leave this city, my home, our home.

[completely floored]

I forgot to mention in my earlier post. I salute you Ms. Radha. Tussi great ho!!!

[Kulcha Hyderabadi]

Kyoon bhai? Sirf Radha hi great ho? Hamarey barey mein kya khayal hai? Khair ch\'hodo. Apna kya!

[Saira]

Kulcha bhai, Radhaji aur sab bhaion aur bahnon ko hamara aadab. Firq par hazrat jigar ke kuchh ashar pesh karti hun.
<br>
<br>
Shabe firaq hai aur neend aai jati hai
<br>
Mujhi ko meri tajalli dikhai jati hai
<br>
Qadam qadam meri himmat badhai jati hai
<br>
Nafas nafas teri aahat si pai jati hai
<br>
Hai voh nazar jo bamushkil uthai jati hai
<br>
Vohi nazar rag va peh main samai jati hai
<br>
Khuda voh darde mohabbat har yek ko bakhshe
<br>
Ke jis main ruh ki taskeen pai jati hai
<br>
Qareeb manizile aakhir hain alfiraq kidhar
<br>
Safar tamam hua neend aai jati hai

[shaikh]

kulcha bhai, BM, Radha, bhot ho gaya bhai, kaan hai app logan ??



Fatheha padna baaqi rahgaya ab.!!!



asateza ke kuch shaer hojaai:



nazuki us ke lab ki kya kahiye

pankhdi ek gulabb ki si hai....



ye numaaish saraab ki si hai.



is ke pehle kya tha ?



shukriya....